İki auditoriya, bir sayt
Burada iki fərqli auditoriya var. Bir tərəfdə tibbi problem: burun tənəffüsü, sinüs, adenoid, qulaq iltihabı. Digər tərəfdə rinoplastika — bu, xəstəlik deyil, estetik qərardır və pasiyent ona tamam başqa gözlə baxır.
Sayt hər ikisini saxlamalı, amma qarışdırmamalı idi. Estetik bölmə tibbi bölməni kölgədə qoysa, sayt klinika olmaqdan çıxıb reklam lövhəsinə çevrilir.
Nə etdik
Müalicələr və əməliyyatlar ayrı
Bir bölmədə xəstəliklər — burun və burunətrafı ciblərin xəstəlikləri, qulağın iltihabi xəstəlikləri, adenoid, qıcıq öskürək, udlaq və qırtlaq xəstəlikləri, damaq badamcıqlarının iltihabı. Digərində əməliyyatlar — rinoplastika, septoplastika, sinus cərrahiyyəsi, tonzillektomiya, adenoidektomiya.
«Öncə-Sonra» müqayisəsi
Şəkillər sürüşdürücü ilə müqayisə olunur — iki ayrı şəkil yan-yana deyil, eyni kadrın üstündə sürüşən sərhəd.
Konfranslar və sertifikatlar
İştirak edilən tədbirlər il üzrə sıralanır, sertifikatlar ayrıca qalereyada saxlanılır. İkisi bir yerə yığılsaydı, heç biri oxunmurdu.
Hüquqi bölmə
İstifadə şərtləri, məxfilik siyasəti, kuki siyasəti və tibbi bildiriş. Tibbi məzmunlu saytda bu, seçim deyil — məzmunun həkim məsləhəti yerinə keçmədiyini yazılı bildirmək lazımdır.
Üç dil
Azərbaycan, ingilis və rus dilləri.
Texnologiya və rəqəmlər
Tez-tez verilən suallar
LOR və estetik cərrahiyyə bir saytda necə saxlanılır?
İki ayrı bölmə kimi. Burun tənəffüsü, sinüs, adenoid, qulaq iltihabı bir qolda; rinoplastika digərində. Səbəb sadədir: bunlar fərqli qərarlardır və estetik bölmə tibbi bölməni kölgədə qoysa, sayt klinika olmaqdan çıxır.
Sertifikat və konfranslar saytda niyə lazımdır?
Cərrah seçimi etibar məsələsidir və pasiyent iddianı deyil, sənədi axtarır. Konfrans çıxışları və sertifikatlar ayrıca bölmədə toplanıb — sözlə deyil, sənədlə göstərilir.
Hüquqi bölmə tibbi saytda nə üçündür?
Məxfilik siyasəti, istifadə şərtləri və məzmun siyasəti pasiyent məlumatının necə işlənildiyini açıq yazır. Bu bölmə həm pasiyent üçün şəffaflıqdır, həm də axtarış sistemləri üçün saytın kimə aid olduğunun sübutudur.
lazımdırsa.