Üç dil, dörd xidmət
Regency Consulting and Tax Solutions 2020-ci ilin mart ayında qurulub. Fəaliyyət dörd istiqamətdədir: mühasibat və vergi uçotu, kadr işləri, hüquqi xidmətlər və digər xidmətlər.
Belə şirkətdə saytın işi izah etməkdir, təsvir etmək deyil. Sahibkar çox vaxt konkret bir sualla gəlir — bəyannamə, əmək müqaviləsi, yoxlama — və cavabı bir-iki klikdən sonra tapmalıdır. Üstəlik hər şey üç dildə işləməlidir: azərbaycan, rus və ingilis.
Nə etdik
Dörd xidmət, dörd səhifə
Mühasibat və vergi uçotu, kadr işləri, hüquqi xidmətlər və digər xidmətlər ayrı-ayrı səhifələrdir. Hər birində həmin istiqamətin nə əhatə etdiyi bənd-bənd yazılır — ümumi «tam spektrli xidmət» ifadəsi ilə kifayətlənilmir.
Üç dil
Azərbaycan, rus və ingilis. Dil seçimi saytın hər səhifəsində yuxarı zolaqdadır, məzmun isə hər üçündə tamdır.
Komanda görünür
Mütəxəssislər ad, vəzifə və şəkillə göstərilir. Konsaltinqdə qərarı çox vaxt konkret şəxsə etibar edərək verirlər — anonim şirkət bunu çətinləşdirir.
Müştəri rəyləri
Ana səhifədə «Bizim haqda nə düşünürlər?» bölməsi var: real şirkət adları ilə. Konsaltinqdə tövsiyə ən güclü arqumentdir.
Karyera səhifəsi
Komandaya qoşulan mütəxəssisin keçəcəyi inkişaf mərhələləri açıq yazılıb — namizəd nəyi gözlədiyini əvvəlcədən bilir.
Sosial media
İnstaqram hesabı da bizim üzərimizdədir. Paylaşımlar iki dildə hazırlanır — azərbaycan və rus, hesabın highlight bölmələri də bu ayrımı saxlayır.
Mövzular fəaliyyət sahəsindən gəlir: bəyannamə müddətləri, vergi riskləri, kadr sənədləşməsi. Şablon sabitdir, brend rəngləri və loqo hər kadrda eyni yerdədir.
Texnologiya və rəqəmlər
Tez-tez verilən suallar
Konsaltinq şirkətinin saytı nəyi izah etməlidir?
Xidməti, təsviri yox. Sahibkar konkret bir sualla gəlir — bəyannamə, əmək müqaviləsi, yoxlama — və cavabı bir-iki klikdən sonra tapmalıdır. Ona görə mühasibat, kadr, hüquq və digər xidmətlər dörd ayrı səhifədir.
Komanda bölməsi niyə var?
Konsaltinqdə iş konkret şəxslə bağlanır. Şirkətin kim olduğunu göstərməyən sayt sahibkar üçün yalnız qiymət cədvəlidir — komanda bölməsi müqavilədən əvvəlki sualı bağlayır.
Üç dil eyni səviyyədə işləyir?
Bəli — azərbaycan, rus və ingilis. Bakıda konsaltinq müştərisinin bir hissəsi xarici şirkətdir, ona görə üç dil struktur qərarı idi, sonradan əlavə edilmədi.
lazımdırsa.